मराठी भाषा गौरव दिनाच्या औचित्याने दिनांक २७ फेब्रुवारी २०२२ रोजी मराठी भाषा संवर्धन संस्थेच्या संकेतस्थळाचा लोकार्पण सोहळा महाराष्ट्र नवनिर्माण सेनेचे राज्य उपाध्यक्ष माननीय श्री राजुभाऊ उंबरकर यांच्या हस्ते करण्यात आले. या प्रसंगी महाराष्ट्र नवनिर्माण सेने कडून विविध वर्तमानपात्रांच्या पत्रकार बांधवांचा सत्कार करण्यात आला.

मराठी भाषेला अभिजात भाषेचा दर्जा मिळावा या करिता वणी विधानसभा क्षेत्राचे माननीय आमदार श्री संजीवरेड्डी बोदकुलवार यांच्या मार्फत दिनांक २५ फेब्रुवारी २०२२ रोजी माननीय पंतप्रधान श्री नरेंद्र मोदी यांना मराठी भाषा संवर्धन बहुउद्देशीय संस्थे कडून निवेदन देण्यात आले. मराठी भाषा संवर्धन संस्थेचे संस्थापक अध्यक्ष श्री सुरेश पेंढरवाड, उपाध्यक्ष श्री लक्ष्मण काकरवार, सचिव श्री गणेश बूटे, सदस्य श्री प्रवीण ठेंगणे इत्यादींच्या उपस्थितीत निवेदन देण्यात आले.

मराठी भाषेच्या अभिजात दर्जासाठी राज्यव्यापी स्वाक्षरी अभियान
" जागर मराठीचा....अभिमान भाषेचा "
     मराठी भाषेला अभिजात भाषेचा दर्जा मिळावा या करिता ' जागर मराठीचा ...अभिमान भाषेचा ' हे राज्यव्यापी लोकजागर स्वाक्षरी अभियान, मराठी भाषा संवर्धन पंधरवडा निमित्ताने दिनांक १४ जानेवारी २०२२ ते २८ जानेवारी २०२२ या कालावधीत मराठी भाषा संवर्धन संस्था ढाणकी या संस्थेच्या माध्यमातून राबविण्यात आले आहे.
     मराठी भाषेला अभिजात भाषेचा दर्जा मिळावा या करिता गुगल फॉर्म लिंक द्वारे या अभियानात महाराष्ट्रातील विविध जिल्ह्यातील मराठी भाषा प्रेमी नागरिक सहभागी झाले आहेत. मराठी भाषेला अभिजात भाषेचा दर्जा मिळावा या करिता अनेक मराठी साहित्यिक, भाषा अभ्यासक, डॉक्टर, प्राध्यापक , व मराठी भाषेवर प्रेम करण्याऱ्या सर्व सामान्य मराठी माणसांनी या अभियानात सहभागी होऊन आपला अभिप्राय नोंदविला आहे. व सोबतच मराठी भाषेला अभिजात भाषेचा दर्जा मिळावा म्हणून गाव खेड्यापाड्या पासून ते महानगरातील मराठी भाषिकांनी या अभियानासाठी आपल्या स्वाक्षरी दिलेल्या आहेत. या अभियानात सहभागी सर्वांना दिनांक २७ फेब्रुवारी २०२२ रोजी मराठी भाषा गौरव दिनी ऑनलाईन सन्मानपत्र देऊन मराठी भाषा संवर्धन संस्थेतर्फे गौरविण्यात आले आहे.

     साहित्य, संस्कृती, आणि मराठी भाषा संवर्धनासाठी वाहिलेल्या मराठी भाषा संवर्धन बहुउद्देशीय संस्था ढाणकी, या संस्थेचा साहित्योत्सव दिवाळी अंक २०२१ चे प्रकाशन विदर्भातील नामवंत साहित्यिक ,प्राध्यापक, डॉक्टर श्री अनंता सूर यांच्या हस्ते तसेच साहित्योत्सव दिवाळी अंकाचे मुख्य संपादक तथा मराठी भाषा संवर्धन संस्थेचे संस्थापक राज्याध्यक्ष श्री सुरेश पेंढरवाड, साहित्योत्सव दिवाळी अंकाचे सह संपादक तथा मराठी भाषा संवर्धन संस्थेचे राज्य कार्याध्यक्ष श्री नागोराव कोम्पलवार , इतिहास अभ्यासक , लेखक , तथा मराठी भाषा संवर्धन संस्थेचे राज्य सचिव श्री गणेश बुटे , दरमजल कादंबरीकार तथा मराठी भाषा संवर्धन संस्थेचे राज्य उपाध्यक्ष श्री लक्ष्मण काकरवार यांच्या हस्ते वणी जि. यवतमाळ येथे पार पडले.
     या प्रसंगी मराठी भाषा संवर्धन संस्थेच्या वतीने जेष्ठ लेखक,समीक्षक, प्राध्यापक, डॉक्टर श्री अनंता सूर यांचा सत्कार करण्यात आला.
     साहित्योत्सव हा विचारांचा प्रकाश डोक्यात पेरणारा दिवाळी अंक असून , अलीकडच्या काळात असे दर्जेदार दिवाळी अंक खूप कमी प्रकाशित होत असून , साहित्योत्सव दिवाळी अंक हा दर्जेदार , वाचनीय , व सर्वांनी संग्रही ठेवावा असा आहे.असे प्रतिपादन साहित्योत्सव दिवाळी अंकाचे प्रकाशन करतांना डॉक्टर अनंता सूर यांनी केले. अलीकडच्या पाच वर्षांच्या काळात वणी, उमरखेड विभागात व यवतमाळ जिल्ह्यात साहित्योत्सव दिवाळी अंका सारखा दर्जेदार दिवाळी अंक त्यांच्या वाचनात आले नसल्याचेही या वेळी त्यांनी म्हटले.मराठी भाषा संवर्धन संस्थेने पहिल्याच प्रयत्नात 222 पानांचा आकर्षक मांडणीचा, दर्जेदार साहित्यकृतींनी नटलेला, व विचारांची एक नवी दिशा दाखवनारा साहित्योत्सव दिवाळी अंक प्रकाशित केल्याचे या वेळी त्यांनी म्हटले.
     महाराष्ट्रातील सर्व जिल्हातील जेष्ठ साहित्यीकांनी या अंका साठी साहित्य पाठवले असून कथा, कविता, ललित, पुस्तक परिचय अशा विविध साहित्यकृतींचा समावेश असलेल्या या साहित्योत्सव दिवाळी अंकाला महाराष्ट्रातील साहित्याकांचा प्रचंड प्रतिसाद मिळाला असल्याचे त्यांनी म्हटले.
     साहित्योत्सव दिवाळी अंक २०२१ आपण या गुगल लिंक वर पाहू शकता, डाउनलोड करू शकता.

     मराठी भाषा संवर्धन संस्थेच्या वतीने भारतरत्न डॉ.ए.पी. जे.अब्दुल कलाम यांची जयंती वाचन प्रेरणा दिन म्हणून जिल्हा परिषद उच्च प्राथमिक शाळा सुर्ला ता.झरी येथे साजरी करण्यात आली. कार्यक्रमाच्या अध्यक्षस्थानी शाळा व्यवस्थापन समितीचे अध्यक्ष श्री महेंद्र मेश्राम होते तर प्रमुख अतिथी म्हणून ग्रामपंचायत सुर्ला च्या सरपंच सौ. उषाताई दिवाकर कुडमेथे , ग्रामपंचायत तथा शाळा व्यवस्थापन समिती सदस्य श्री मंगेश ढोरे , ग्रामपंचायत सदस्य श्रीकृष्ण आडे होते. यावेळी मराठी भाषा संवर्धन संस्थे कडून शाळेतील विद्यार्थ्यांना अवांतर वाचनाची पुस्तके व थोर पुरुषांची जीवनचरित्र भेट देण्यात आलीत. व विद्यार्थ्यांना वाचनाचे महत्व पटवून देत विद्यार्थ्यांना अधिकाधीक वाचनासाठी प्रेरित करण्यात आले. यावेळी सरपंच सौ. उषाताई कुडमेथे यांनी "विद्यार्थ्यांन मध्ये वाचनाची आवड निर्माण करण्यासाठी अशा प्रकारचे कार्यक्रम खूप उपयुक्त असून मराठी भाषा संवर्धन संस्था विद्यार्थ्यांन मध्ये वाचनाची आवड निर्माण करण्यासाठी चांगले उपक्रम राबवित आहे" असे मत व्यक्त केले तर ग्रामीण व सीमावर्ती भागात मराठी भाषा संवर्धनाचे खरे कार्य मराठी भाषा संवर्धन संस्था करत असल्याचे कार्यक्रमाचे अध्यक्ष श्री महेंद्र मेश्राम यांनी म्हटले. शाळेचे जेष्ठ शिक्षक श्री राजेश मेश्राम यांनी आपल्या मनोगतातून भारतरत्न डॉ. ए. पी. जे. अब्दुल कलाम यांच्या जीवनकार्यावर प्रकाश टाकला. कार्यक्रमाचे प्रास्ताविक राष्ट्रपती पुरस्कार प्राप्त आदर्श शिक्षक तथा शाळेचे मुख्याध्यापक श्री रमेश बोबडे यांनी केले. तर सूत्रसंचालन मराठी भाषा संवर्धन संस्थेचे संस्थापक अध्यक्ष श्री सुरेश पेंढरवाड यांनी केले.उपस्थित मान्यवर व संस्थेचे आभार जेष्ठ शिक्षक श्री राजेश मेश्राम यांनी माणले.

     अमरावती विभाग शिक्षक मतदार संघाचे माननीय आमदार श्री किरणराव सरनाईक यांच्या प्रमुख उपस्थितीत पार पडलेल्या सत्कार सोहळ्यात मराठी भाषा संवर्धन संस्थेच्या साहित्यसेवा पुरस्काराने ललित लेखक, प्राध्यापक श्री विजय पराते यांना सन्मानित करण्यात आले तर, मराठी भाषा संवर्धन संस्थेच्या आदर्श शिक्षक पुरस्काराने मुख्याध्यापक श्री नामदेव गोपेवाड यांना सन्मानित करण्यात आले.
     दिनांक 30 सप्टेंबर ला पार पडलेल्या सत्कार सोहळ्याच्या अध्यक्षस्थानी अमरावती विभाग शिक्षक मतदार संघाचे आमदार माननीय श्री किरणराव सरनाईक साहेब होते.तर प्रमुख अतिथी म्हणून ढाणकी नगरपंचायतचे नगराध्यक्ष श्री सुरेश जयस्वाल, युवक मंडळ पुसदचे सचिव श्री विजयभाऊ जाधव साहेब, माजी शिक्षणाधिकारी श्री रंगरावजी काळे साहेब, श्री शिवाजी शिक्षण संस्थेचे अध्यक्ष डॉक्टर श्री लक्ष्मीकांत रावते साहेब, मराठी भाषा संवर्धन संस्थेचे संस्थापक राज्याध्यक्ष श्री सुरेश पेंढरवाड, बिटरगाव पोलिस स्टेशनचे ठाणेदार श्री भोस साहेब, उमरखेड कृषी उत्पन्न बाजार समितीचे सभापती श्री बाळू पाटील चंद्रे, स्वामी पेंडसे गुरुजी विद्यालयाचे कर्मचारी व माजी विध्यार्थी यांच्या उपस्थितीत सत्कार सोहळा पार पडला.

     मराठी भाषेत लिखान करणाऱ्या लेखक कवींच्या लेखन कार्याला अधिक प्रोत्साहन मिळावे व त्यांच्या कडून मराठी भाषेत सकस असे लेखन कार्य घडून यावे या उद्देशाने, संस्थेच्या वतिने सुरू करण्यात आलेली ‘लेखक, कवी प्रोत्साहन योजना’ या योजनेतून नागपूर येथील सुप्रसिद्ध कवी संजय गोडघाटे यांचे आगामी येणारे पाचवे पुस्तक ‘बखर अस्वस्थ घटनांची’ या कवीता संग्रहाची प्रकाशनपूर्व मागणी करून संस्थेच्या वतिने ३००० रूपयाचा धनादेश देवून कविता संग्रह प्रकाशित करण्यासाठी अर्थसहाय्य करण्यात आले. या प्रसंगी मराठी भाषा संवर्धन संस्थेने संस्थापक अध्यक्ष श्री. सुरेश पेंढरवाड, जेष्ठ लेखक विचारवंत मा. लोकनाथ यशवंत सर, जेष्ठ लेखक कवी मा. प्रसेनजीत गायकवाड सर, नागपूरचे सुप्रसिध्द कवी संजय गोडघाटे सर, देहदान या लघु चित्रपटाचे दिग्दर्शक मा. नागेश वाहूरवाघ सर, कवी लिलाधर गायकवाड सर उपस्थित होते.

     मराठी भाषा संवर्धन संस्थेचे जेष्ठ सदस्य तथा संस्थेचे राज्यकार्याध्यक्ष जेष्ठ लेखक, कवी श्री. नागोराव कोम्पलवार यांच्या वाढदिवसाच्या औचित्याने मराठी भाषा संवर्धन संस्थेकडून ग्रामपंचायत सुर्ला ता. झरी जामणी जि. यवतमाळ च्या परिसरात तसेच जिल्हा परिषद वरिष्ठ प्राथमिक शाळा सूर्ला ता. झरी च्या परिसरात वृक्षारोपन करण्यात आले. तसेच जिल्हा परिषद वरिष्ठ प्राथमिक शाळा सूर्ला ता. झरी येथील विध्यार्थ्यांना शैक्षणिक साहित्याचे वितरण या वेळी करण्यात आले. कार्यक्रमाला संस्थेचे संस्थापक अध्यक्ष सुरेश पेंढरवाड, शाळेचे व्यवस्थापन समितीचे अध्यक्ष महेंद्र मेश्राम, मुख्याध्यापक रमेश बोबडे, व सर्व शिक्षक व ग्रामपंचायत सदस्य उपस्थित होते.

     मराठी भाषा संवर्धन पंधरवडा (दि. १४ जानेवारी २०२१ ते २८ जानेवारी २०२१) निमित्ताने घेण्यात आलेल्या राज्य स्तरीय निबंध स्पर्धेचे बक्षिस वितरण २३ जुन २०२१ ला शासकीय विश्रामगृह वणी येथे संस्थेचे संस्थापक अध्यक्ष सुरेश पेंढरवाड, कार्याध्यक्ष नागोराव कोम्पलवार, सचिव गणेश बुटे, उपाध्यक्ष लक्ष्मन काकरवार यांच्या प्रमुख उपस्थितीत पार पडले. खुला गट, व विद्यार्थी गटातून प्रथम दहा क्रमांक येणाऱ्या विजेत्या स्पर्धकांना बक्षिस राशिचा धनादेश, सन्मानचिन्ह व सन्मानपत्र देवून गौरविण्यात आले.

     दिनांक २७ फेब्रुवारी २०२१ ला “मराठी भाषा संवर्धन बहुउद्देशीय संस्था” ढाणकी, ता. उमरखेड, जि. यवतमाळ द्वारा मराठी भाषा गौरव दिनाचा कार्यक्रम घेण्यात आला सदर कार्यक्रमाचे अधोरेखीत करण्याजोगे वैशिष्ट्य म्हणजे हा कार्यक्रम पुर्णतः आभासी स्वरूपात म्हणजेच गुगल मीट या तंत्रावर आधारित ऑनलाईन स्वरूपात घेण्यात आला असून शासनाने तथा आरोग्य विभागाने घालून दिलेल्या नियमांचे काटेकोरपणे पालन करीत संपन्न झाला.
     कार्यक्रमाच्या अध्यक्षस्थानी मा. श्री. विष्णू सोळंके साहेब (महाराष्ट्र शासन मराठी भाषा सल्लागार समिती सदस्य) हे होते. तर प्रमुख वक्ते म्हणून मा. श्री. अनंतसिंह ठाकुर सर (लेखक, समीक्षक) यांचे मार्गदर्शन लाभले.
     कार्यक्रमाची सुरुवात संस्थेचे संस्थापक राज्याध्यक्ष श्री. सुरेश पेंढरवाड सर यांच्या सुत्रसंचलनाने माय मराठीला वंदन करून करण्यात आली. सन्माननिय अध्यक्ष महोदय व प्रमुख वक्त्यांचा अल्प परिचय श्रोत्यांना करून दिल्या नंतर कार्यक्रमाचे प्रास्ताविक संस्थेचे कार्याध्यक्ष जेष्ठ लेखक कवी श्री. नागोराव कोम्पलवार सरांनी केले. आपल्या प्रास्ताविकात सरांनी संस्थेच्या तीन वर्षातील उपक्रमाचा लेखाजोखा मांडला.
     प्रमुख वक्ते मा. श्री. अनंतसिह ठाकुर सरांनी मराठी भाषेची उत्पत्ती-विकास मांडतांना महानुभाव पंथीय साहित्य, लिला आपल्या ओघवत्या शैलीत विशद केल्या. सोबतच गैरमराठी भाषिकांनी म्हणजेच एका इंग्रज अधिकाऱ्याने स्वतंत्र पूर्व काळात मराठीच्या विविध बोली भाषांवर केलेलं संशोधन व मराठीपासून दुरावणारे आम्ही... याकडे लक्ष वेधलं. तसेच कोणत्याही भाषेच्या संवर्धनासाठी ती भाषा सतत प्रवाही असणे गरजेचे आहे. संस्कृत भाषेतील ज्ञान संत ज्ञानेश्वर महाराजांनी मराठी भाषेत आणून सर्वसामान्य माणसांना ज्ञानाची द्वारे खुली करून दिली. आणि मराठी भाषेला अमृताची गोडी प्राप्त झाली. असे अनेक दाखले देत प्रमुख वक्त्यांनी श्रोत्यांच्या ज्ञानात भर घातली.
     आपल्या अध्यक्षीय भाषणात मा. श्री. सोळंके साहेबांनी मराठी भाषेची महती-व्यापकता तथा मराठी सारख्या समृद्ध भाषेला अभिजात भाषेचा दर्जा न मिळण्याची कारणे विषद करत; कोणत्याही भाषेला अभिजात भाषेचा दर्जा मिळण्यासाठी ती भाषा किमान १५०० वर्षा पूर्वी पासून अस्तित्वात असण्याची अट असतांना, मराठी भाषेची उत्पत्ती ही २००० वर्षा पूर्वीची असूनही मराठी भाषेला अजूनही अभिजात भाषेचा दर्जा न मिळाल्याची खंत व्यक्त केली. मराठीवर प्रेम करणाऱ्या प्रत्येकाने मराठीला अभिजात भाषेचा दर्जा मिळवून देण्यासाठी मराठी भाषेचा अभ्यास व संशोधन यावर भर द्यावा असे मत व्यक्त केले. श्री सोळंके साहेबांनी आपल्या मधुर स्वरात सादर केलेलं काव्य 'माझ्या आयुष्याचा तांडा...' श्रवण करतांना श्रोते अगदी मंत्रमुग्ध झाले.
     संस्थेचे सचिव तथा इतिहास अभ्यासक लेखक श्री गणेश बुटे सरांनी आपल्या मनोगतात मराठीची उपयोगिता आणि व्यवहारिकता यावर भर देत मराठी भाषा ही अर्थाजन करून देणारी भाषा झाली पाहिजे असे स्पष्ट मत व्यक्त केले. संस्थेचे सह कार्याध्यक्ष डॉक्टर श्री मच्छिंद्र सुरमवाड यांनी कोरोना महामारीच्या या साथीच्या आजारात लोकांनी सामाजिक अंतर नव्हे तर शारीरिक अंतर पाळून आपण अशा प्रकारे आंतरजालावर गुगल मीट या तंत्राच्या साहाय्याने “मराठी भाषा गौरव दिन” साजरा करून समाजात एक आदर्श निर्माण करत असल्याचं मत व्यक्त केलं. तर संस्थेचे सह सचिव श्री उमाकांत तिपर्तीवार यांनी मराठी भाषेचा आणि तिच्या सर्व बोली भाषेचा अभिमान आपण सर्वांनी बाळगला पाहिजे असे मत व्यक्त केले.
     संस्थेचे कोषाध्यक्ष श्री निशांत कपाट सरांनी कार्यक्रमाची संपूर्ण तांत्रिक बाजू सांभाळली असून त्यांना संस्थेचे उपाध्यक्ष दरमजल कादंबरीकार श्री लक्ष्मण काकरवार सर आणि प्रसिद्धी प्रमुख श्री संतोष बर्लावार सर यांचे मोलाचे सहकार्य लाभले.
    कार्यक्रमाचे आभार प्रदर्शन संस्थेचे सह उपाध्यक्ष श्री. प्रविणजी ठेंगणे सर यांनी केले असून कार्यक्रम यशस्वी रित्या पार पाडण्यासाठी संस्थेच्या सदस्या सौ. लता वासरवाड मॅडम व सौ. अनामिका पेंढरवाड मॅडम यांचे योगदान लाभले. मराठी भाषा गौरव दिनाच्या या कार्यक्रमाला विदर्भातील नामवंत साहित्यिक लेखक, कवी प्राध्यापक डॉक्टर श्री अंनता सूर सर सह, अभ्यासू मराठी भाषा प्रेमी रसिक श्रोते प्रामुख्याने उपस्थित होते.

     दि. १४ जानेवारी २०२१ ते २८ जानेवारी २०२१ हा कालावधी मराठी भाषा संवर्धन पंधरवडा म्हणून मराठी भाषा संवर्धन संस्थेने साजरा केला. मराठी भाषेच्या जतन व संवर्धनासाठी संस्था दरवर्षी या पंधरवड्यात वेगवेगळे भाषिक उपक्रम राबवित असते. या वेळी मराठी भाषा संवर्धन पंधरवडा निमित्ताने संस्थेने भव्य राज्य स्तरीय निबंध लेखन स्पर्धेचे आयोजन केले होते. स्पर्धेत राज्य भरातून ३०७ निबंध प्राप्त झाले होते. खुला गट व विध्यार्थी गटातून प्रथम पाच विजेत्या स्पर्धकांना संस्थेच्या वतिने बक्षिस राशिचा धनादेश, सन्मानचिन्ह व सन्मानपत्र देवून गौरव करण्यात आला. तर सहभागी सर्व स्पर्धकांचा सन्मानपत्र देवून गौरव करण्यात आला.

     लेखक-कवी प्रसेनजीत गायकवाड सर यांची कविता राष्ट्रसंत तुकडोजी महाराज नागपूर विद्यापिठाच्या बी.कॉम. प्रथम वर्षाच्या अभ्यासक्रमात समावीष्ट करण्यात आली आहे. त्या निमित्ताने दिनांक ८ नोव्हेंबर २०२० ला मराठी भाषा संवर्धन संस्था ढाणकीच्या वतीने कवी प्रसेनजीत गायकवाड सरांचा नागपूर येथे सत्कार करण्यात आला. या प्रसंगी महाराष्ट्राचे सुप्रसिध्द कवी संजय गोडघाटे सर व मराठी भाषा संवर्धन संस्थेचे संस्थापक अध्यक्ष श्री. सुरेश पेंढरवाड उपस्थित होते.

     दिनांक १५ ऑक्टोबर २०२० ला मराठी भाषा संवर्धन बहुउद्देशीय संस्था, ढाणकी द्वारा माजी राष्ट्रपती भारतरत्न डॉ. ए.पी.जे अब्दुल कलाम यांची जयंती वाचन प्रेरणा दिन म्हणून झरी तालुक्यातील सूर्ला येथे साजरी करण्यात आली. या प्रसंगी डॉ. ए.पि.जे अब्दुल कलाम यांच्या ‘अग्नीपंख’ या आत्मचरित्राचे वाचन करण्यात आले. तसेच मराठी भाषा संवर्धन बहुउद्देशीय संस्थेकडून शाळा व्यवस्थापन समितीचे सर्व सदस्य आणि शाळेतील सर्व विध्यार्थांना मोफत मास्क चे वितरण करण्यात आले.

     दि. २७ फेब्रुवारी २०२० ला साहित्यीक वि.वा.शिरवाडकर (कुसुमाग्रज) यांची जयंती मराठी भाषा गौरव दिन म्हणून मराठी भाषा संवर्धन बहुउद्देशीय संस्थेद्वारा झरी जामणी तालुक्यातील जि. प. उच्च प्राथमिक शाळा सूर्ला येथे साजरी करण्यात आली.
     मराठी भाषा संवर्धन पंधरवडा निमित्त घेण्यात आलेला उपक्रम, ‘सुंदर मराठी हस्ताक्षर लेखन’ या उपक्रमात सुंदर मराठी हस्ताक्षर काढून मराठी भाषेचे संवर्धन करून उपक्रमात प्राविण्य मिळविलेल्या विध्यार्थांचा मराठी भाषा गौरव दिनाच्या दिवशी मराठी भाषा संवर्धन बहुउद्देशीय संस्थेकडून सन्मानपत्र व लेखन साहित्य देवून गौरव करण्यात आला.

     ग्रामिण आदिवासी महिलांमध्ये मराठी भाषेच्या प्रती जाणिव जागृती निर्माण व्हावी आणि त्यांचे भाषीक सक्षमिकरण व्हावे या उद्देशाने मराठी भाषा संवर्धन बहुउद्देशीय संस्थेने अतिदुर्गम आदिवासी बहुल अशा झरी तालुक्यातील सूर्ला येथे मराठी भाषा संवर्धन पंधरवडाच्या शेवटच्या दिवशी महिला मेळाव्याचे आयोजन करण्यात आले होते.
     खेळीमेळीच्या वातावरणात ग्रामीण आदिवासी महिलांमध्ये भाषीक जाणीव जागृती निर्माण व्हावी या करीता संस्थेने महिला मेळाव्यात महिलांसाठी काही खास भाषीक खेळ आणि उपक्रम आयोजीत केले. यामध्ये मराठी गीत गायन स्पर्धा, लिंबु चमचा स्पर्धा, महिलांची कबड्डी स्पर्धा, रांगोळी, संगीत खूर्ची स्पर्धा इत्यादी स्पर्धाचे आयोजन करण्यात आले. आणि विजेत्या महिलांना रोख रक्कम आणि वाचन साहित्य देवून गौरविण्यात आले. सदर महिला मेळाव्याला सूर्ला गावातील आणि लगतच्या आदिवासी कोलाम पोडावरील जवळपास १७० महिलांचा उत्स्फुर्त सहभाग होता. तालुका बचत गटाच्या प्रमुख सौ. मंदाताई चौधरी मॅडम, व आशा सेविका सौ. सरिता सराटे यांनी मनोगत व्यक्त करून मराठी भाषा संवर्धन संस्थेने महिलांसाठी जे भाषिक उपक्रम राबवून जाणिव जागृती केली त्याबद्दल संस्थेचे आभार मानलेत.

‘सुंदर मराठी हस्ताक्षर लेखन’      दिनांक १ जानेवारी २०२० ते १५ जानेवारी २०२० या कालावधीत मराठी भाषा संवर्धन बहुउद्देशीय संस्थेद्वारा मराठी भाषा संवर्धन पंधरवडा साजरा करण्यात आला. ‘सुंदर मराठी हस्ताक्षर लेखन’ हा उपक्रम पंधरा दिवस महाराष्ट्रातील ३० विविध शाळेत राबविण्यात आला. विध्यार्थ्यांना मराठी भाषेची गोडी निर्माण व्हावी. विध्यार्थांचे मराठीचे हस्ताक्षर सुंदर व सुवाच्च व्हावे. विध्यार्थांना हस्ताक्षराचे महत्व कळावे. मराठी भाषेत आपले मत, विचार लिखीत अभिव्यक्त करता यावेत हा उद्देश समोर ठेवून ‘सुंदर मराठी हस्ताक्षर लेखन’ हा उपक्रम मराठी भाषा संवर्धन पंधरवडा निमित्ताने राबविण्यात आला.

     दिनांक १५ ऑक्टोबर २०१९ ला राज्य मराठी विकास संस्था मुंबई व मराठी भाषा संवर्धन बहुउद्देशीय संस्था ढाणकी यांच्या संयुक्त विद्यमाने भारतरत्न डॉ. ए.पी.जे.अब्दुल कलाम यांची जयंती वाचन प्रेरणा दिन म्हणून जिल्हा परिषद वरिष्ठ प्राथमिक शाळा तरोडा, ता. आर्णि, जि. यवतमाळ येथे साजरी करण्यात आली.
    कार्यक्रमाला वक्ता म्हणून निमंत्रित केलेले वक्ते प्रा.नरेश रामटेके यांनी विध्यार्थ्यांना वाचनाची गरज व वाचना मुळे होणारे फायदे यावर मार्गदर्शन केले. कार्यक्रमाचे सूत्रसंचालन राज्य आदर्श शिक्षक पुरस्कार प्राप्त शिक्षक श्री आसाराम चव्हाण सरांनी केले. तर आभार मराठी भाषा संवर्धन संस्थेचे कोषाध्यक्ष श्री निशांत कपाट सर यांनी मानले.
     कार्यक्रमाला मराठी भाषा संवर्धन संस्थेचे संस्थापक अध्यक्ष श्री सुरेश पेंढरवाड , शाळेचे मुख्याध्यापक श्री नागोराव कोम्पलवार सर, श्री आसाराम चव्हाण सर, श्री संतोष घ्यार सर, श्री राजेंद्र पाटील सर, श्रीमती शारदा गोविंदवार मॅडम, श्रीमती ज्योती राठोड मॅडम उपस्थित होत्या.

वाचनध्यास उपक्रम

◆ डॉ.ए.पी.जे अब्दुल कलाम वाचन कट्टा, डॉ.बाबासाहेब आंबेडकर वाचन कट्टा, स्वामी विवेकानंद वाचन कट्टा ची निर्मिती.
◆ विध्यार्थ्यांचा ८ तास वाचनाचा संकल्प.
◆ विध्यार्थ्यांच्या आवडीनुसार वाचनसाहित्य उपलब्ध करून देण्यात आले.
◆ वाचनध्यास उपक्रमात शिक्षकांचा स्वयंस्फूर्तीने सहभाग.

     ज्ञानदानाच्या पवित्र क्षेत्रात अविरतपणे कार्य करत हजारो विध्यार्थांना घडविणारे श्री. दिलीप कोरपेनवार सर व नागोराव कोम्पलवार सर यांच्या सामाजिक, शैक्षणिक व साहित्यीक कार्याची दखल घेवून यांना मराठी भाषा संवर्धन बहुउद्देशीय संस्थेचा आदर्श शिक्षक पुरस्कार देवून शिक्षक दिनाच्या दिवशी दिनांक ५ सप्टेंबर २०१९ ला त्यांना सन्मानित करण्यात आले. राष्ट्रपती पुरस्कार प्राप्त आदर्श शिक्षक श्री. रमेश बोबडे सर संस्थेचे संस्थापक अध्यक्ष श्री. सुरेश पेंढरवाड व उपाध्यक्ष श्री. लक्ष्मण काकरवार सर यांच्याहस्ते आदर्श शिक्षकांचा सन्मान करण्यात आला.

     आदिवासी, अतिदुर्गम व अतीमागास झरी जामणी तालुक्यातील बोपापूर (लहान) ता. झरी जि. यवतमाळ येथे दिनांक २७ फेबु्रवारी २०१९ रोजी साहित्यीक वि. वा. शिरवाडकर यांचा जन्म दिवस. मराठी भाषा गौरव दिन म्हणून मराठी भाषा संवर्धन बहुउद्देशीय संस्था ढाणकी यांच्या तर्फे साजरा करण्यात आला.
     ‘मराठी भाषा गौरव दिनाच्या कार्यक्रमाच्या अध्यक्ष स्थानी बोपापूर ग्रामपंचायतचे सरपंच श्री. विलास नैताम होते. तर प्रमुख पाहुने म्हणून शाळा व्यवस्थापन समितीचे अध्यक्ष श्री. प्रकाश बुच्चे होते. कार्यक्रमाचे प्रास्थाविक शाळेचे मुख्याध्यापक श्री. लक्ष्मण काकरवार यांनी केले तर सुत्र संचालन श्री. प्रमोद ढेंगळे यांनी केले. आभार संस्थाध्यक्ष सुरेश पेंढरवाड यांनी मानले.
     ‘मराठी भाषा गौरव दिनाच्या निमित्ताने’ मराठी भाषा संवर्धन संस्थे कडून काही उपक्रम राबविण्यात आले.

उपक्रम - १) मराठी म्हणी जतन संवर्धन व लेखन

◆ मराठी भाषेचे अलंकार असलेल्या व मराठी भाषेत रूढ झालेल्या काही म्हणी आज आपल्या बोलीतून लोप पावत असतांना या ‘मराठी म्हणींचे’ जतन व संवर्धन करणे.
◆ काही विध्यार्थ्यांनी ६० पेक्षाही जास्त म्हणींचे लेखन केले.
◆ उपक्रमात सहभागी सर्व विध्यार्थ्यांना संस्थेच्या वतीने सन्मानपत्र व लेखन साहित्य देऊन गौरविण्यात आले.

उपक्रम - २) मराठी उखाने’ सादरीकरण व लेखन

◆ ग्रामीण भागातील महिलांना संघटीत करून त्यांच्यात मराठी भाषेची अस्मिता रूजवण्यासाठी तसेच मराठी भाषेचे जतन व संवर्धन करण्यासाठी ग्रामीण आदिवासी महिलांना त्यांच्या बोली भाषेत ‘मराठी उखाने’ सादरीकरण व लेखन या उपक्रमाच्या माध्यमातून समाजासमोर येवून आपले विचार धाडसाने प्रकट करता यावेत.
◆ दैनंदिन कामातून थोडी सवड काढून खेळीमेळीच्या वातावरणात महिलांना जागृत करण्यासाठी त्यांना आनंदी करण्यासाठी मराठी उखाणे लेखन व सादरीकरण उपक्रमाचे आयोजन.
◆ मराठी भाषेचे अलंकार असलेले 'मराठी उखाण्यांचे' जतन व संवर्धन करणे.
◆ ग्रामीण बोलीभाषेत मराठी उखण्यांचे अस्सल सादरीकरण.
◆ उपक्रमात सहभागी सर्व महिलांना संस्थेच्या वतीने सन्मानपत्र व अवांतर वाचनाची पुस्तके देऊन गौरविण्यात आले.

     या प्रसंगी महिलांसाठी मनोरंजनात्मक खेळ म्हणून संगीत खुर्ची व लिंबू चमचा सारखे खेळ सुध्दा घेण्यात आलेत. गावातील महिलांचा उत्स्फुर्त प्रतिसाद या कार्यक्रमाला होता. महिलांनी कार्यक्रमाप्रती दिलेल्या काही बोलक्या प्रतिक्रिया -
     “ ३० वर्षात गावात महिलांनसाठी असा कार्यक्रम कधी झाला नाही”
     “ कार्यक्रमाला आम्हाला बोलावून आमचा जो सन्मान केला त्या बद्दल संस्थेचे धन्यवाद.”
     “ आपली आई स्टेजवर जावून बोलत आहे. बक्षीस मिळवत आहे. हे पाहून आमच्या मुलातही काही चांगल करायची इच्छा होईल ”
     “ सायंकाळचे सहा वाजले पण कार्यक्रम सोडून आता घरी जाण्याची ईच्छा होत नाही. ”

     मराठी भाषा संवर्धन बहुउद्देशीय संस्था, ढाणकी ता. उमरखेड जि. यवतमाळ ही संस्था मराठी भाषेच्या संवर्धनासाठी यवतमाळ जिल्हयात खालील प्रमाणे विविध भाषिक उपक्रम राबवून दिनांक १ जानेवारी २०१९ ते १५ जानेवारी २०१९ या कालावधीत ‘मराठी भाषा संवर्धन पंधरवडा’ साजरा केला आहे.

दिनांक	उपक्रम
१.१.२०१९	कथाकथन
२.१.२०१९	शब्दांच्या सहवासात
३.१.२०१९	मुलाखत
४.१.२०१९	पत्रलेखन व चारोळी लेखन
५.१.२०१९	कविता लेखन
७.१.२०१९	अनुवाद लेखन
८.१.२०१९	बालकवी संमेलन
९.१.२०१९	आदिवासी गोंडी व कोलामी बोली भाषेची ओळख
१०.१.२०१९	कथालेखन
११.१.२०१९	साहित्य संमेलनात सहभाग
१२.१.२०१९	साहित्य संमेलनात सहभाग
१३.१.२०१९	साहित्य संमेलनात सहभाग
१५.१.२०१९	बक्षिस वितरण व पंधरवडा समारोप

कथाकथन :- दिनांक १ जानेवारी २०१९

     मराठी भाषेच्या संवर्धनासाठी मराठी भाषा संवर्धन बहुउद्देशीय संस्थेने ‘मराठी भाषा संवर्धन पंधरवड्याच्या पहिल्या दिवशी दिनांक १ जानेवारी २०१९ ला आदिवासी व अति दुर्गम भागात असलेल्या जिल्हा परिषद वरिष्ठ प्राथमिक शाळा सूर्ला ता. झरी, जि. यवतमाळ येथे ‘कथाकथन’ हा उपक्रम राबविला कथाकथन या उपक्रमात शाळेतील इयत्ता ५ वी ते ८ वी च्या सर्व मुला - मुलींनी सहभाग घेतला.
     संस्था अध्यक्ष सुरेश पेंढरवाड यांनी प्रास्ताविकातून मुलांना पंचतंत्र, इसापनिती, रामायन, महाभारत तसेच अलीखीत कथा आपल्या पर्यंत कथाकथनाच्या माध्यमातून कशा पोहचल्या याबद्दल माहिती सांगितली व विध्यार्थांना कथाकथन या कौशल्याबद्दल मार्गदरर्शन केले.
     तसेच शाळेतील शिक्षक श्री राजेश मेश्राम सर व संभाजी गुडमेवार सरांनी विध्यार्थांना छान बोधपर कथा सांगीतल्या.
     या प्रसंगी शाळा व्यवस्थापन समितीचे अध्यक्ष व काही सदस्य कार्यक्रमास उपस्थित होते.

शब्दांच्या सहवासात :- दिनांक २ जानेवारी २०१९

     दिनांक २ जानेवारी २०१९ जिल्हा परिषद वरिष्ठ प्राथमिक शाळा सूर्ला ता. झरी, जि. यवतमाळ येथे मराठी भाषा संवर्धन बहुउद्देशीय संस्थे मार्फत ‘शब्दांच्या सहवासात’ हा उपक्रम घेण्यात आला या उपक्रमात शाळेतील इयत्ता ५ वी ते ८ वी च्या सर्व विध्यार्थ्यांनी सहभाग नोंदविला, विध्यार्थ्यांना वऱ्हाडी बोलीतील शब्द, प्रत्यय घटीत शब्द, उपसर्ग घटीत शब्द अशा विविध प्रकारच्या शब्दांच्या सहवासात रमविण्याचा प्रयत्न करून मराठी भाषेबद्दल आवड निर्माण करण्याचा प्रयत्न करण्यात आला.
    मराठी भाषेच्या संवर्धनासाठी विध्यार्थ्यांना माहित असणारे त्यांच्या बोली भाषेतील व प्रमाण भाषेतील शब्दांचा संग्रह लिखित स्वरूपात या उपक्रमाच्या माध्यमातून एकत्रीत करण्यात आला.

मुलाखत :- दिनांक ३ जानेवारी २०१९

     विध्यार्थ्यांना मुलाखत हे तंत्र अवगत व्हावे म्हणून, शाळेचे मुख्याध्यापक तथा राष्ट्रीय पुरस्कार प्राप्त शिक्षक श्री रमेश बोबडे यांचा ‘महा जांबोरी महोत्सव’ निमित्ताने होणारा नियोजित अमेरिका दौरा, व तिथे अमेरिकेत ‘मराठी भाषिक शिक्षक म्हणून आपली काय भूमिका असेल’ या विषयावर त्यांची मुलाखत घेण्यात आली. तसेच त्यांचा संस्थेच्या वतीने शाल श्रीफळ देवून सत्कार करण्यात आला.
     मुलाखतकार म्हणून वर्ग ८ वी च्या विद्यार्थीनी कु. प्रांजली काकडे व कु. रविना आत्राम यांनी कार्य केले.
     तसेच श्रुत लेखनातून विध्यार्थ्यांनी ही मुलाखत शब्दबद्ध केली.

कविता लेखन :- दिनांक ५ जानेवारी २०१९

     दिनांक ५ जानेवारी २०१९ ला ‘कविता लेखन’ हा उपक्रम राबविला. या वेळी विध्यार्थ्यांना कविता लेखना संबंधीत मार्गदर्शन करण्यात आले. तसेच शालेय पाठ्यापुस्तकातील कविता वाचन घेण्यात आले व विध्यार्थ्यांना ठराविक विषयावर ‘कविता लेखन’ करून आणण्यास सांगितले. विध्यार्थ्यांनी दिलेल्या विषयावर सुंदर कविता लिहून आणल्या व स्वलीखीत कवितांचा संग्रह करण्यात आला.
     अशा प्रकारे मराठी भाषेच्या संवर्धनासाठी ‘कविता लेखन’ हा उपक्रम राबविण्यात आला.
     या उपक्रमाचे फलीत म्हणजे ९२ व्या अखिल भारतीय मराठी साहित्य संमेलनात शिक्षण विभाग यवतमाळच्या वतिने प्रकाशित ‘माळावरची फुले’ या बालकविता संग्रहात सूर्ला शाळेतील कु. रविना आत्राम व कु. साक्षी गेडाम या दोन विध्यार्थीनींच्या कविता प्रकाशीत झाल्या.

अनुवाद लेखन :- दिनांक ७ जानेवारी २०१९

     जिल्हा परिषद उच्च प्राथमिक शाळा तरोडा ता. आर्णि जिल्हा यवतमाळ व जिल्हा परिषद वरिष्ठ प्राथमिक शाळा सूर्ला ता. झरी जिल्हा यवतमाळ येथे दिनांक ७ जानेवारीला ‘अनुवाद लेखन’ हा उपक्रम राबविला.

आदिवासी गोंडी व कोलामी बोली भाषेची ओळख :- दिनांक ९ जानेवारी २०१९

     आदिवासी व अतिदुर्गम भागात असलेल्या जिल्हा परिषद वरिष्ठ प्राथमिक शाळा सूर्ला येथील ७०% विद्यार्थी आदिवासी गोंड व कोलाम, परधान जातीतील असून ३०% विद्यार्थी हे इतर जातीतील आहेत. इयत्ता पहिली व दुसरीतील विध्यार्थ्यांना शाळेत भेडसावणाऱ्या भाषिक समस्या, शिक्षकांना भाषेच्या दृष्टीकोणातून येणारी अडचण लक्षात घेवून मराठी भाषा संवर्धन बहुउद्देशीय संस्थेने मराठी भाषा संवर्धन पंधरवड्यात दिनांक ९ जानेवारीला ‘आदिवासी गोंडी व कोलामी भाषेची ओळख’ हा उपक्रम राबविला.
     या उपक्रमात आदिवासी गोंडी, कोलामी व मराठी या तीन भाषेचा तुलनात्मक अभ्यास करून विध्यार्थ्यांना गोंडी, कोलामी व मराठी भाषेची ओळख करून देण्यात आली.
     या उपक्रमामध्ये गोंडी गीत, कोलामी गीत, मराठी गीत/कविता यांच गायन तसेच दैनंदिन जिवनात रोजच्या उपयोगात येणारे छोटी, छोटी वाक्य, वर्गात, शाळेत संवाद साधतांना वापरली जाणारी वाक्ये, महत्वाचे शब्द यांची ओळख विध्यार्थ्यांना करून देण्यात आली. व त्यांचा संग्रह करण्यात आला.
     शाळेतील शिक्षक राजेश मेश्राम यांनी गोंडी व कोलामी भाषेची ओळख विध्यार्थ्यांना करून दिली तर शिक्षक तथा संस्थाध्यक्ष सुरेश पेंढरवाड यांनी मराठीत माहिती सांगितली या उपक्रमात शाळेतील ८४ विध्यार्थ्यांनी सहभाग नोंदवून गोंडी गीते, कोलामी गीते व मराठी गीतांचे सादरीकरण केले.

बक्षीस वितरण व पंधरवडा समारोप :- दिनांक १५ जानेवारी २०१९

     दिनांक १ जानेवारी २०१९ ते १५ जानेवारी २०१९ या कालावधीत मराठी भाषा संवर्धन बहुउद्देशीय संस्थे कडून साजरा करण्यात आलेला ‘मराठी भाषा संवर्धन पंधरवडा’ चा समारोपीय कार्यक्रम व बक्षीस वितरणाचा कार्यक्रम दिनांक १५ जानेवारी २०१९ ला जिल्हा परिषद वरिष्ठ प्राथमिक शाळा सूर्ला ता. झरी जि. यवतमाळ येथे साजरा करण्यात आला.
     या समारोपीय कार्यक्रमाला १५ दिवस संस्थे मार्फत राबविलेल्या विविध उपक्रमांचा आढावा घेवून मराठी भाषेची जतन व संवर्धन करण्याची गरज, मराठी भाषेचे महत्व, जागतिक स्तरावर मराठी भाषा, स्पर्धा परिक्षेत मराठी भाषिक विध्यार्थ्यांचा वाढणारा टक्का इत्यादी विषयावर मराठी भाषा संवर्धन संस्थेचे संस्थापक अध्यक्ष तथा शाळेचे शिक्षक सुरेश पेंढरवाड यांनी आपल्या मनोगतातून माहिती सांगितली. तसेच ‘मराठी भाषा संवर्धन पंधरवडा’ मध्ये राबविलेल्या प्रत्येक दिवसाच्या उपक्रमात सहभागी विद्यार्थी व त्या-त्या उपक्रमात चांगली कामगीरी करणारे विद्यार्थी तसेच मुलाखतीत सहभागी विद्यार्थी, बालकवी संमेलनात सहभागी विद्यार्थी यांचा मराठी भाषा संवर्धन बहुउद्देशीय संस्थेच्या वतीने सत्कार करून विध्यार्थ्यांना ‘रजिस्टर, पेन’ इत्यादी लेखन साहित्य व डॉक्टर ए.पी.जे. अब्दुल कलाम यांचे मराठीतील पुस्तक भेट व बक्षीस म्हणून देण्यात आले.
     ‘मराठी भाषा संवर्धन पंधरवडा’ चा समारोपीय कार्यक्रमाला शाळा व्यवस्थापन समितीचे अध्यक्ष चंद्रभान मेश्राम, शाळेचे मुख्याध्यापक रमेश बोबडे, शिक्षक राजेश मेश्राम, शिक्षक संभाजी गुडमेवार, शिक्षक तथा संस्थापक अध्यक्ष सुरेश पेंढरवाड उपस्थित होते.
     अशा प्रकारे मराठी भाषेच्या जतन व संवर्धनासाठी ‘मराठी भाषा संवर्धन बहुउद्देशीय संस्थे कडून १५ दिवस विविध भाषिक उपक्रम राबवून ‘मराठी भाषा संवर्धन पंधरवडा’ साजरा करण्यात आला.

     जिल्हा परिषद वरिष्ठ प्राथमिक शाळा सूर्ला ता. झरी जामणी, जिल्हा यवतमाळ येथे दिनांक १५ ऑक्टोबर २०१८ ला मराठी भाषा संवर्धन बहुउद्दशीय संस्था ढाणकी ता. उमरखेड ने डॉ. ए. पी. जे. अब्दूल कलाम यांचा जन्म दिन ‘वाचन प्रेरणा दिवस’ म्हणून साजरा केला.
     वाचन प्रेरणा दिना निमित्ताने मराठी भाषा संवर्धन संस्थेकडून जिल्हा परिषद शाळा सूर्ला ला डॉ. ए. पी. जे. अब्दुल कलाम यांची ‘फोटो फ्रेम’ सप्रेम भेट म्हणून देण्यात आली. तसेच विध्यार्थांना वाचनाचे महत्व पटवून देत संस्थेद्वारा शाळेतील सर्व ८४ विध्यार्थ्यांना ‘संत तुकारामाचे निवडक अभंग’ या पुस्तकाची प्रत्यकी एक प्रत दिली. तसेच शाळा व्यवस्थापन समितीला संस्थे कडून ‘ग्रामगीता’ हा ग्रंथ भेट म्हणून दिला.

     दिनांक १८ ऑगस्ट २०१८ ला मराठी भाषा संवर्धन बहुउद्दशीय संस्था ढाणकी ता. उमरखेड जि. यवतमाळ ने आनंद बालसदन वणी, ता. वणी, जि. यवतमाळ या बाल अनाथ आश्रमाला भेट दिली. व बाल अनाथ आश्रमातील मुला - मुलींना वैयक्तीक स्वच्छता कशी राखावी, स्वच्छता राखून आपण आपले आरोग्य कसे चांगले ठेवू शकतो. यावर मार्गदर्शन केले तसेच मुला - मुलींना मराठी भाषेचे महत्व समजावून सांगून मुला मुलींना काही बाल कविता ऐकविल्यात. त्यांच्या कडून कविता म्हणवून घेतल्या. एकूणच मुलांना आनंद देण्याचा प्रयत्न केला.
     तसेच मराठी भाषा संवर्धन बहुउद्देशीय संस्थेने मुला-मुलींना खाऊचे वाटप करून दैनंदिन उपयोगाच्या व आरोग्याच्या काही वस्तू दिल्या, मराठी भाषा संवर्धन संस्थेच्या सदस्या सौ. लता वासरवाड यांनी मुलींना आपल्या आरोग्यासाठी वैयक्तीक स्वच्छता कशी राखावी यावर मार्गदर्शन केले. तर संस्थापक अध्यक्ष सुरेश पेंढरवाड यांनी अनाथ आश्रमातील मुलांना पावसाळ्यात होणारे विविध आजार कोणते ते होवू नये म्हणून कोणती काळजी घ्यावी व प्रथमोपचार पेटीचा उपयोग कसा करायचा ते समजावून सांगितले. या भेटी च्या वेळी अनाथ आश्रमातील सर्व मुले-मुली व अनाथ आश्रमाचे कर्मचारी सुनील रामपुरे व मंगला कुबडे उपस्थित होते.

    लोकशाहीर अण्णा भाऊ साठे यांची जयंती व लोकमान्य टिळक यांची पुण्यतिथी च्या निमित्ताने दिनांक ०१ ऑगस्ट २०१८ ला घेण्यात आलेल्या ‘स्वतंत्र भारताचा जन्म’ या विषयावरील निबंध लेखन स्पर्धेचा बक्षिस वितरण समारंभ भारतीय स्वातंत्र्य दिनाचे औचित्य साधून घेण्यात आला.
    निबंध स्पर्धेत विजेत्या स्पर्धकांना व सहभागी स्पर्धकांना मराठी भाषा संवर्धन संस्थे कडून सन्मानपत्र, रजिस्टर, पेन व लेखन साहित्य देवून गौरविण्यात आले. निबंध लेखन स्पर्धेच्या माध्यमातून मराठी भाषेचे संवर्धन करण्याचे कार्य मराठी भाषा संवर्धन संस्थेकडून या निमित्ताने करण्यात आले. त्याचप्रमाणे विध्यार्थांमध्ये राष्ट्रप्रेम जागृत करून आपल्या भारत देशाचा उज्वल इतिहास लेखनिच्या माध्यमातून, निबंधाद्वारे मांडण्यासाठी त्यांना प्रोत्साहित करण्यात आले.

    दिनांक ८ जुलै २०१८ ला मराठी भाषा संवर्धन बहुउद्देशीय संस्था ढाणकी जिल्हा यवतमाळ तर्फे कादंबरीकार गो. नि. दांडेकर यांच्या जन्म दिनाचे औचित्य साधून वणी जि. यवतमाळ येथे वृक्षारोपनाचा कार्यक्रम राबविण्यात आला. या कार्यक्रमाला निवृत्त वन अधिकारी श्री. जि. एन. जिड्डेवार साहेब. मराठी भाषा संवर्धन बहुउद्देशीय संस्थेचे संस्थापक अध्यक्ष श्री. सुरेश पेंढरवाड, सचिव श्री गणेश बुटे, सहसचिव श्री. नागोराव कोम्पलवार, उपाध्यक्ष श्री. लक्ष्मण काकरवार वणीतील जेष्ठ नागरिक व सामाजिक कार्यकर्ते श्री. जनार्दन दोडके, श्री. शामराव ढेंगळे व वणीतील बहुसंख्य वृक्षप्रेमी नागरिक उपस्थित होते.

    क्रांतीसूर्य महात्मा ज्योतीबा फुले यांनी भारतीय समाजाला दिलेला साहित्य शिक्षण, आणि समाजसेवेचा वसा तसाच पुढे सुरू राहावा आणि त्यांनी दिलेली शिकवण तळागाळातील प्रत्येक माणसांपर्यंत, विध्यार्थ्यांपर्यंत पोहोचावी या उद्देशाने महात्मा ज्योतीबा फुले यांच्या साहित्यीक शैक्षणिक व सामाजिक कार्याचा ध्यास घेवून संस्थेने आपले ब्रिद वाक्य “ध्यास आपला साहित्यातून शिक्षण..... शिक्षणातून समाजसेवा” हे ठेवले.
    महात्मा ज्योतीबा फुले यांना आपल्या कार्यातून आदरांजली वाहण्यासाठी त्यांच्या जयंती दिनी दिनांक ११ एप्रिल २०१८ ला महाराष्ट्राच्या एका टोकाला आणि तेलंगणा राज्याच्या सिमेला लागून असलेल्या आदिवासी बहुल अतिदुर्गम अशा झरी जामणी तालुक्यात मराठी भाषा संवर्धन बहुउद्देशीय संस्थेची स्थापना करण्यात आली.
    झरी जामणी तालुक्यातील कुमारी मातांचा ज्वलंत प्रश्न, शेतकरी आत्महत्याग्रस्त म्हणून जिल्हाला लागलेला कलंक, ढासळत चाललेली शैक्षणिक गुणवत्ता, सध्यस्थितीत भेडसावणारे अनेक सामाजिक प्रश्न, गुणवंत साहित्यीकांचा शोध, मराठी भाषेचे जतन व संवर्धन करणे, मराठी भाषेची अस्मिता इत्यादी प्रश्नांच्या जाणिवेतून व त्या प्रश्नांना आपल्या लेखनीतून वाचा फोडण्यासाठी झरी जामणी सारख्या दुर्गम व डोंगराळ आदिवासी बहुल भागात काम करणारी एका सामाजीक, शैक्षणिक, साहित्यीक व भाषीक संस्थेची स्थापना करण्यात आली.
संस्था स्थापनेच्या वेळी आयोजीत बैठकीत संस्थेने विविध निर्णय घेतले यामध्ये
१) मराठी भाषेचे जतन व संवर्धन करणे.
२) मराठी भाषेला अभिजात दर्जा मिळवून देण्यासाठी सतत प्रयत्नशील राहून शासनाकडे ‘मराठी भाषेला अभिजात भाषेचा दर्जा मिळावा यासाठी पाठपूरावा करणे.
३) कुमारी मातांच्या मुलांना आर्थिक व शैक्षणिक मिळवून देणे.
४) शेतकरी आत्महत्याग्रस्त कुटुंबातील मुलांना आर्थीक व शैक्षणिक मिळवून देणे.
५) विविध कलागुण अंगी असणाऱ्यांना प्रोत्साहन देवून व्यासपीठ निर्माण करून देणे.
    आयोजीत बैठकीत सर्वांनुमते कार्यकारणी गठीत करण्यात आली. संस्थापक अध्यक्ष श्री. सुरेश पेंढरवाड, कार्याध्यक्ष श्री. नागोराव कोम्पलवार, सचिव श्री. गणेश बुटे, उपाध्यक्ष श्री. लक्ष्मण काकरवार, सहकार्याध्यक्ष डॉक्टर श्री. मच्छींद्र सुरमवाड, प्रसिध्दी प्रमुख श्री. संतोष बर्लावार, सहउपाध्यक्ष श्री. प्रविण ढेंगणे, कोशाध्यक्ष श्री. निशांत कपाट, सहसचिव श्री. उमाकांत तिपर्तिवार, तर सदस्य म्हणून सौ. लता वासरवाड व सौ. अनामिका पेंढरवाड यांची निवड करण्यात आली.