पूर्वेतिहास

मराठी भाषेचे संवर्धन करण्याच्या हेतूने दिनांक ११ एप्रिल २०१८ ला महात्मा ज्योतिबा फुले यांच्या जयंती दिनी, तेलंगणा राज्याच्या सिमेला लागून असलेल्या आदिवासी बहूल दुर्गम अशा झरी जामणी तालुक्यात संस्थेचे संस्थापक अध्यक्ष श्री. सुरेश पेंढरवाड यांच्या पुढाकारातून संस्थेची स्थापना करण्यात आली.
'ध्यास आपला साहित्यातून शिक्षण ... शिक्षणातून समाजसेवा' हे संस्थेचे ब्रीदवाक्य आहे.
मराठी भाषेचे संवर्धन करणे या मुख्य उद्देशा सोबतच भाषेच्या माध्यमातून समाजातील विविध भाषिक, शैक्षणिक व सामाजिक प्रश्न सोडविणे.
'संस्था नोंदणी अधिनियम १८६०' आणि 'विश्वस्त व्यवस्था अधिनियम १९५०' या अन्वये दिनांक २६ जून २०१८ रोजी संस्थेची धर्मदाय आयुक्त यवतमाळ यांच्याकडे संस्था म्हणून नोंदणी झाली.

उद्दिष्टे..

मराठी भाषेच्या संवर्धनासाठी साहित्य संमेलने, कवी संमेलने, मेळावे व मराठी भाषेच्या संदर्भात शिबिरे आयोजित करणे.
मराठी भाषेच्या संवर्धनासाठी विविध ठिकाणी वाचनालय काढणे, चालविणे.
मराठी भाषेच्या संवर्धनासाठी साहित्य, संगीत, कला, शिक्षण व समाजसेवा इत्यादी क्षेत्रात आवड असणाऱ्या विध्यार्थी, शिक्षक व नागरिकांना प्रोत्साहन देऊन हक्काचे व्यासपीठ उपलब्ध करून देणे.
विध्यार्थ्यांमध्ये साहित्याची आवड निर्माण करणे.
शाळा तसेच महाविद्यालयांमध्ये मराठी भाषेच्या संवर्धनासाठी विविध भाषिक स्पर्धा आयोजित करून विध्यार्थ्यांना लिहिते करणे, तसेच प्रमाणपत्र व रोख बक्षिस देऊन प्रोत्साहित करणे.
शाळा, महाविद्यालयातील विध्यार्थी शिक्षकांचे प्रातिनिधिक कविता व कथा संग्रह काढणे.
मराठी भाषिक विध्यार्थ्यांसाठी मोफत स्पर्धा परीक्षा मार्गदर्शन केंद्र स्थापन करणे व चालविणे.
मराठी भाषेच्या संवर्धनासाठी मराठी माध्यमाच्या प्राथमिक व माध्यमिक शाळा स्थापन करणे.
आदिवासी युवा कल्याणाच्या योजना राबविणे.
महिलांच्या उन्नतीकरीता महिला प्रशिक्षण केंद्र स्थापन करून महिलांना स्वावलंबी बनविण्यासाठी व्यावसायिक प्रशिक्षण देणे.
पर्यावरण संतुलन, वृक्षारोपन, जलसंधारण, वनराई, ग्राम स्वछता अभियान राबविणे, व्यसन मुक्ती केंद्र सुरु करणे.
धर्मार्थ दवाखाना सुरु करणे, रुग्णवाहिकेची सोय करणे, रक्तदान शिबीर घेणे.
कुमारी मातेच्या मुलांना आर्थिक व शैक्षणिक मदत करणे.
शेतकरी आत्महत्या ग्रस्त कुटुंबातील विध्यार्थ्यांना आर्थिक व शैक्षणिक मदत करणे.
नैसर्गिक आपत्तीत सापडलेल्यांना मदत करणे तसेच मोफत उपचार करणे.
मराठी भाषिक नागरिकांना उद्योजक म्हणून करीअर घडविण्यासाठी उद्योजकता विकास प्रशिक्षण व स्वयंरोजगार विकास प्रशिक्षण कार्यक्रम राबविणे.